ပြည်ထောင်စုလွှတ်တော်ကို ခေတ္တ ရပ်နားထားပြီးနောက် မတ်လ ၁ ရက်နေ့ က စတင်ခါ လွှတ်တော်နှစ်ရပ်၏ အစည်း အဝေးများကို ပြန်လည်ခေါ်ယူခဲ့ပြီး ဥပဒေကြမ်းကော်မတီ၊ ပြည်သူ့ငွေ စာရင်းကော်မတီ၊ လွှတ်တော်အခွင့် အရေးကော်မတီနှင့် အစိုးရ၏အာမခံ ချက်များ၊ ကတိများနှင့် တာဝန်ခံချက်များ စိစစ်ရေးကော်မတီတို့ကို ဖွဲ့စည်းခဲ့သည်။
ထို့ပြင် အဆိုပါကော်မတီများ၏ တာဝန်၊ လုပ်ပိုင်ခွင့်၊ ကော်မတီဝင်များ၏ ရပိုင်ခွင့်နှင့် အခွင့်အရေးများကိုလည်း တစ်ပြိုင်နက်တည်း ပြဋ္ဌာန်းခဲ့သည်။ ယင်းတို့မှာ အမြဲတမ်းကော်မတီများ ဖြစ်သည့်အလျောက် လွှတ်တော်အစည်း အဝေးများ ရပ်နားထားသည့်အချိန်တွင် လည်း အဆိုပါကော်မတီများမှာ ဆက်လက် အသက်ဝင်နေမည်ဖြစ်ကြောင်း အမျိုးသားလွှတ်တော် ဥပဒေကြမ်းကော် မတီဝင်တစ်ဦး ဖြစ်သူ ဒေါက်တာ မြတ်ဉာဏစိုးက ပြောသည်။
"လွှတ်တော်အစည်းအဝေးတွေ မရှိချိန်မှာလည်း ဒီကော်မတီတွေဟာ လွှတ်တော်ကြီးရဲ့ လုပ်ငန်းဆောင်တာတွေကို ဆက်ပြီး အကောင်အထည်ဖော်နေမယ်။ ဒါကြောင့် ဥပဒေပြုရေးအပိုင်းဟာ တစ်ချိန်လုံး အသက်ဝင်နေမယ်။ အုပ်ချုပ်ရေးအပိုင်းဟာ သမ္မတတွေ၊ ၀န်ကြီးတွေနဲ့ တစ်ချိန်လုံး အသက်ဝင်နေမယ်" ဟု ၎င်းက ဆိုသည်။
အဆိုပါကော်မတီများ၏ အစီရင်ခံစာများပေါ်မူတည်ကာ လွှတ်တော်ခေါ်ယူသင့်သည်ဟု လွှတ်တော်ဥက္ကဋ္ဌက ယူဆပါက လွှတ်တော် ကို ထပ်မံခေါ်ယူမည် ဖြစ်သည်။
ယင်းသို့ဖွဲ့စည်းရာတွင် လွှတ်တော် တစ်ရပ်လက်အောက်ရှိ ကော်မတီတစ်ရပ်တွင် အဖွဲ့ဝင် ၁၅ ဦးစီ ပါရှိသည့် အနက် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီက ၁၀ ဦးစီခန့် ပါဝင်ကာ အခြား ပါတီများက သုံးပုံတစ်ပုံခန့်ပါဝင်ခွင့်ရနေသည်ကို တွေ့ရသည်။
အဆိုပါကော်မတီဝင်များတွင် အသိပညာရှင်၊ အတတ်ပညာရှင်များ၊ အစိုးရ ၀န်ထမ်းများ အများစု ပါဝင်နေသဖြင့် ထိရောက်စွာ လုပ်ဆောင်ခွင့်ရရန် ကော်မတီဝင်များက မျှော်လင့်လျက်ရှိသည်။
ကော်မတီလေးရပ်အနက် ပထမဆုံးအဖြစ် မတ်လ ၁ ရက်နေ့က ဖွဲ့စည်းခဲ့သည့် ဥပဒေကြမ်းကော်မတီ၏ အရေးပါမှုနှင့်ပတ်သက်ပြီး ဒေါက်တာမြတ်ဉာဏစိုးက "ဥပဒေကြမ်းရေးဆွဲရာမှာ တစ်ဦးကောင်းတစ်ယောက်ကောင်း ရေးဆွဲလို့ မရဘူး။ အခြေခံဥပဒေမှာ ပြဋ္ဌာန်းထားတဲ့ နိုင်ငံသားတိုင်းရဲ့ အခြေခံအခွင့်အရေးကို ကာကွယ်ပေးနိုင်တယ်။ ဒါတွေကို တစ်ခုခုက overrule လုပ်ထားလား၊ ချိုးဖောက်ခံထားရလားဆိုတာကို ဖော်ထုတ်ပြီး ပြည်ထောင်စုအစိုးရကို တင်ပြလို့ရတယ်။ တားမြစ်လို့ရတယ်။ ဒီအချက်တွေအတိုင်း စောင့်ကြပ်ကြည့်ရှုလို့ ရတယ်" ဟု ပြောသည်။
ဒုတိယဖွဲ့စည်းခဲ့သည့် ပြည်သူ့ငွေ စာရင်းကော်မတီများအနက် ပြည်သူ့ လွှတ်တော်ရှိကော်မတီကို အမျိုးသား စီမံကိန်းနှင့် စီးပွားရေး ဖွံ့ဖြိုးတိုးတက်မှုဝန်ကြီးဌာန ဒုတိယ၀န်ကြီးအဖြစ် လက်ရှိတာဝန်ယူထားသူ ဦးသူရိန်ဇော်က ဦးဆောင်သကဲ့သို့ အမျိုးသားလွှတ်တော် ၏ ကော်မတီတွင် စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန ဒုတိယ၀န်ကြီး ဦးအောင်ထွန်းက ဦးဆောင် ဖွဲ့စည်းထားသည် ကို တွေ့ရသည်။
ပြည်သူ့လွှတ်တော် ပြည်သူ့ငွေစာ ရင်းကော်မတီဝင်တစ်ဦးဖြစ်သူ ဦးမန်းမောင်မောင်ဉာဏ်က ကော်မတီ၏ တာဝန်နှင့် လုပ်ပိုင်ခွင့်များ အနက် အစိုးရ ၀န်ကြီးဌာနနှင့် လုပ်ငန်းဌာနများ၏ ဘဏ္ဍာငွေသုံးစွဲမှုကို စိစစ်ရန်မှာ အရေး အပါဆုံးဟုယူဆကြောင်း ပြောသည်။
အဆိုပါကော်မတီသည် အစိုးရသစ်ကို အာဏာလွှဲအပ်ပြီးနောက်မှသာ ယင်းကဲ့သို့ စိစစ်ခြင်းကိုပြုလုပ်နိုင်မည် ဖြစ်ကြောင်း ၎င်းက ဆိုသည်။
တတိယကော်မတီအဖြစ် မတ်လ ၄ ရက်နေ့က ဖွဲ့စည်းသည့် လွှတ်တော် အခွင့်အရေးကော်မတီများကိုမူ လွှတ်တော် ဥပဒေများအရ လွှတ်တော်ဒုတိယ ဥက္ကဋ္ဌများကသာ ဥက္ကဋ္ဌအဖြစ် ဆောင်ရွက်ခဲ့ကြသည်။
အဆိုပါကော်မတီသည် လွှတ်တော်နှင့် လွှတ်တော်ကိုယ်စားလှယ်များ၏ နိုင်ငံရေးအခွင့်အရေးများနှင့် ပတ်သက်ပြီး ချိုးဖောက်ခံရခြင်း ရှိပါက တင်ပြရမည်ဖြစ်ကြောင်း ပြည်သူ့လွှတ်တော် လွှတ် တော်အခွင့်အရေးကော်မတီဝင်တစ်ဦး ဖြစ်သူ ဦးဆောင်ဆီကပြောသည်။
"အခွင့်အရေးဆိုတာ ပုဂ္ဂလိက အခွင့်အရေးမဟုတ်ဘူး။ လွှတ်တော်နိုင်ငံရေး အခွင့်အရေးကိုပြောတာ။ ဖောက်ဖျက်ခံရတယ်ဆိုပြီး တင်ပြလာရင် ဒီကော်မတီ က ဘယ်လိုအချက်တွေကြောင့် ဖောက်ဖျက်ခံရတာလဲ၊ ဘယ်တုန်းက ဖြစ်တာလဲ ဆိုတာတွေကို စိစစ်ပြီး လွှတ်တော် ကို အစီရင်ခံစာတင်ရမယ်"ဟု ၎င်းက ပြောသည်။
ထို့ပြင် နိုင်ငံတကာလွှတ်တော်များ၊ အထူးသဖြင့် အာဆီယံနိုင်ငံများ၏ လွှတ်တော်များနှင့် ချိတ်ဆက်ကာ အဆိုပါလွှတ်တော်များ၏ လုပ်ဆောင် ချက်များကို လေ့လာရမည်ဖြစ်ကြောင်း ဒေါက်တာမြတ်ဉာဏစိုးက ပြောသည်။
ကော်မတီလေးရပ်အနက် နောက်ဆုံးဖွဲ့စည်းရန်ကျန်ရှိသည့် 'အစိုးရ၏ အာမခံချက်များ၊ ကတိများနှင့် တာဝန်ခံချက်များ စိစစ်ရေး ကော်မတီ'ကိုလည်း မတ်လ ၇ ရက်နေ့က ဖွဲ့စည်းလိုက်သည်။
အဆိုပါကော်မတီများတွင်မူ ထူးခြားချက်အနေဖြင့် အမျိုးသားလွှတ်တော်၌ ဖွဲ့စည်းသည့် ကော်မတီကို ရခိုင်တိုင်းရင်းသားများ တိုးတက်ရေးပါတီ ဥက္ကဋ္ဌ ဒေါက်တာအေးမောင်က ကော်မတီ ဥက္ကဋ္ဌအဖြစ် တာဝန်ယူထားသည်။
ယင်းကော်မတီသည် ပြည်ထောင်စု အစိုးရအဖွဲ့က တင်သွင်းသည့် ဥပဒေကြမ်း၊ ဆုံးဖြတ်ချက်၊ အဆို၊ သို့မဟုတ် အစီရင်ခံစာနှင့် စပ်လျဉ်းပြီးသော် လည်းကောင်း၊ အမျိုးသားလွှတ်တော်တွင် ဖြေကြားသောမေးခွန်းများ၊ ကတိ ပြုခဲ့သောအာမခံချက်များနှင့် တာဝန် ခံချက်များကိုလည်းကောင်း စိစစ်ရမည်ဖြစ်သည်။
အဆိုပါကော်မတီများအပြင် လိုအပ်ပါက အခြားကော်မတီများကို အချိန် ကာလသတ်မှတ်ကာ ဖွဲ့စည်းနိုင်ကြောင်း ဒေါက်တာမြတ် ဉာဏစိုးက ပြောသည်။
0 comments:
Post a Comment
(အတ္တာဟိ အတ္တနော နာထော) မိမိသည်သာလျှင် မိမိ၏ အားထားရာဖြစ်သည်။