လူဖြစ်ဖို့အင်တာနက်သုံးကြစို့

ဘာရယ်မဟုတ်ပါဘူး....ဖတ်မိတဲ့  ပို့စ်လေးတခုကိုပြန်ပီးရှယ်ရာလုပ်ပေးတာပါ။

ကွန်ပျူတာ၊ အင်တာနက် နည်းပညာ ပျံ့ပွားရေးအတွက် ရည်ရွယ်ထုတ်ဝေတဲ့ စာစောင် တစ်ခုရဲ့ လူငယ်တွေက အိုင်တီ ခေတ်အကြောင်း လစဉ်ဆောင်းပါး ရေးပေးဖို့ လာပြောပါတယ်။ ထုံးစံ အတိုင်း ကျန်းမာနေရင် တတ်နိုင် သလောက် ကြိုးစားရေးပေးပါမယ် လို့ ပြောလိုက်ရတယ်။

ပညာရပ်ဆိုင်ရာတွေ အလွန်နည်း

လာပြောသူက လူငယ်တစ် ယောက်ဖြစ်ပြီး လူငယ်တွေ အတွက် ဒီခေတ်မှာ မသိမဖြစ်သိ နေရမယ့် ပညာရပ်အကြောင်း ဖြန့် ဝေတာဆိုတော့ ရေးပေးဖို့ဝတ္တရား ရှိတယ် ယူဆတာကြောင့် ချက်ချင်း ကတိပေးလိုက်တာပါ။ ဒီလို မဂ္ဂဇင်း စာစောင်မျိုးတွေ များများပေါ်ထွက် လာဖို့ အထူးလိုအပ်ပါတယ်။ ဒီနေ့ ဈေးကွက်မှာရှိနေတဲ့ ဂျာနယ်၊ မဂ္ဂဇင်းမျိုးစုံ စုစုပေါင်း သုံးရာကျော် လေးရာနီးပါးရှိတဲ့အထဲမှာ ပညာ ရပ်တစ်ခုကို အထူးပြုထုတ်ဝေတဲ့ စာစောင်မျိုး အလွန့်အလွန်နည်းပါ တယ်။ ဖတ်သူမရှိလို့ ထုတ်သူမရှိ တာလား၊ ထုတ်သူမရှိလို့ ဖတ်သူ မရှိတာလား စောကြောကြည့်ဖို့ လိုပါလိမ့်မယ်။ ဒီလိုပညာရပ်ဆိုင် ရာ စာစောင်မျိုးတွေ ထွန်းကားမှ တိုင်းပြည်တိုးတက်မှာပါ။ ဖျော်ဖြေ ရေး စာစောင်တွေပဲ များနေလို့ တော့ ဘယ်တော့မှ လူလူသူသူဖြစ် မှာ မဟုတ်ပါဘူး။

ကူညီချင်လို့သာ

လူငယ်တွေကို ကူညီချင်လို့ သာ ရေးပေးမယ် ပြောလိုက်တာ၊ တကယ်တော့ ကိုယ်တိုင်က ဘာမှ ဟုတ်ဟုတ်ငြားငြား သိတာမဟုတ် ပါဘူး။ သတင်းသမားဗီဇမဖျောက် နိုင်လို့ ကွန်ပျူတာတစ်လုံးနဲ့ အင် တာနက် သုံးနေပေမယ့် အခက် အခဲကြုံရင် ဘာမှမလုပ်တတ်တော့ ဘူး။ လူငယ်တွေကို ကူပါဦးလုပ်ပါ ဦး ပြောရတော့တာ။ အသက်က ကြီးသထက်ကြီးလာတော့ ဖန်သား ပြင်နဲ့ မျက်စိနဲ့က တယ်ပြီး သဟ ဇာတ မဖြစ်တော့ဘူး။ ခဏလေး ကြည့်လိုက်တာနဲ့ မျက်စိကျိန်းစပ် ပြီး မျက်ရည်ကျလာတော့တယ်။ ကြည့်စရာတွေကလည်း ကြာလေ များလာဖြစ်လာတော့ နိုင်အောင် မကြည့်နိုင်တော့ဘူး။ အချိန်သိပ် လိုတယ်။ လူငယ်တွေလို အကျော် အခွတွေလည်း ကျွမ်းတာမဟုတ် ဘူးလေ။

ထင်မြင်ချက်တွေ သိဖို့လို

အဲဒီတော့ လူငယ်တွေကိုပဲ အပူကပ်ရတော့တယ်။ အရေးကြီး တဲ့ ဖတ်ကိုဖတ်သင့်တဲ့ အကြောင်း အရာတွေကို ထုတ်ယူကူးပေးဖို့ ပြောရတယ်။ သတင်းသမားတစ် ယောက်လည်းဖြစ်၊ လူငယ်နဲ့ပတ် သက်တဲ့ စာမျိုးတွေရေးဖူးလည်း ဖြစ်ဆိုတော့ ၀က်ဘ်ဆိုက်တွေ ဘလော့ဂ်တွေနဲ့ ထင်မြင်ယူဆချက် တွေကို အလေးမထားလို့ မရဘူး လေ။ ကောင်းတာဖြစ်ဖြစ်၊ ဆိုးတာ ဖြစ်ဖြစ် သိဖို့လိုအပ်ပါတယ်။ စာရေးသူတစ်ယောက်ဟာ စာဖတ် သူတွေ အထူးသဖြင့် လူငယ်တွေ ကို အမြဲတမ်း အလေးထားဖို့လို တယ်။ လူငယ်တွေဆိုပြီး အထင် သေးလို့ မရဘူး။ ဒီလူငယ်တွေက အင်တာနက်ခေတ် လူငယ်တွေ။ ကမ္ဘာကြီးတစ်ခုလုံးကို လက်ဝါး ပေါ် တင်ကြည့်သလို နေ့စဉ်စောင့် ကြည့်နေကြတဲ့ လူငယ်တွေ ဖြစ်တယ်။

ရှာကီရာအကြောင်း သိ သလို မူဂါရေးအကြောင်းလည်း သိ ကြတယ်။ သူတို့ထင်မြင်ယူဆချက် တွေကို ပစ်ပယ်ထားဖို့ မသင့်ဘူး။ ထင်မြင်ချက်ရေးသူတွေ၊ ဘ လော့ဘ်ဂါတွေဟာ အခြေအမြစ် မရှိတဲ့ ကလေကချေတွေလို့ပြောတဲ့ သူဟာ ကွန်ပျူတာရှေ့မှာ တစ်ခါမှ မထိုင်ဖူးသူပဲ ဖြစ်လိမ့်မယ်။ ဘား ရတ်အိုဘားမားက တွစ်တာသုံးပြီး လူငယ်တွေနဲ့ စကားပြောသလို၊ တရုတ်ပြည်က ဟူကျင်တောင်း လည်း အင်တာနက်ကတစ်ဆင့် လူငယ်တွေနဲ့ စကားပြောနေပါ တယ်။ ရုရှားကပူတင်လည်း သုံး နေပါတယ်။

အမှန်ဆုံးအမြန်ဆုံး သိနိုင်တာ

အင်တာနက်မသုံးရင် ဒီ ခေတ်နဲ့ ဘယ်လိုမှ သဟဇာတ မဖြစ်နိုင်ဘူး။ အထူးသဖြင့် သတင်း သမား၊ နိုင်ငံရေးသမား၊ နိုင်ငံရေး သုတေသီများဟာ အင်တာနက် လှိုင်းတွေကြားမှာ နေ့စဉ်ကူးခတ် နေဖို့ လိုပါတယ်။ အင်တာနက် မသုံးရင် သတင်းသမား၊ နိုင်ငံရေး သမား၊ နိုင်ငံရေးသုတေသီ လုံးဝ မလုပ်ပါနဲ့လို့တောင် ဆိုချင်တယ်။ လူတွေရဲ့ဆန္ဒစစ်ဆန္ဒမှန် လူတွေရဲ့ ထင်မြင်ယူဆချက်၊ လူတွေရဲ့ အကြိုက် စတဲ့ အရေးကြီးဆုံးကိစ္စ တွေကို အမှန်ဆုံးနဲ့ အမြန်ဆုံးသိနိုင် တာ အင်တာနက်တစ်ခုတည်း ရှိ ပါတယ်။

လူထုလက်နက် အင်တာနက်

နျူကလီးယားဗုံးက မဟာ အင်အားကြီးနိုင်ငံတွေအတွက် အားအထားရဆုံးလက်နက် ဖြစ် သလို၊ အင်တာနက်ဟာလည်း လူထုအတွက် အကောင်းဆုံးလက် နက်ဖြစ်တယ်။ နျူကလီးယား လက်နက်လို အစွမ်းထက်ပါတယ်။ တစ်နေ့မှာ လူထုလက်ထဲက အင် တာနက်က နျူကလီးယားလက် နက်တွေကို ဖျက်သိမ်းအောင် ဆောင်ရွက်နိုင်ပါလိမ့်မယ်။ မယုံ မရှိနဲ့။

စောင့်ကြည့်ပါ။ အဲဒီ လောက် စွမ်းအားကြီးမားတဲ့ အင် တာနက် နည်းပညာဟာ ကျွန် တော်တို့ လူထုကြီးနဲ့ အများကြီး အလှမ်းဝေး နေပါသေးတယ်။ လူထုကြီးမဆိုထားနဲ့ တတ်သိပညာ ရှင်လို့ခေါ်ကြတဲ့ သူတွေထဲမှာ တောင် ကွန်ပျူတာနဲ့ ရင်းနှီးကျွမ်း ၀င်သူ အင်မတန်မှ နည်းပါးပါ သေးတယ်။

အင်တာနက်ကမ္ဘာထဲ တွန်းပို့

အဲဒီအခြေအနေမှာ ကွန်ပျူ တာနဲ့ အိုင်တီနည်းပညာစာအုပ် စာစောင်တွေ များများစားစားပေါ် ထွက်လာဖို့ လိုပါတယ်။ ကလေး တွေတင်မက မိဘတွေပါ ဖတ်သင့် ကြပါတယ်။ ဒီလိုစာအုပ်စာစောင် ထုတ်ဝေသူများကိုလည်း အားပေး ကူညီသင့်ပါတယ်။ ဒီသဘောနဲ့ စာမူတောင်းတဲ့ လူငယ်ကို ရေးပေး မယ်လို့ ကတိပေးလိုက်တာပါ။ ကိုယ်က ဘာမှမတတ်ပေမယ့် လူငယ်တွေနဲ့ သူတို့ရဲ့မိဘတွေကို တော့ အိုင်တီပညာရဲ့ အရေးပါပုံ တွေကို ပြောပြပြီး၊ အင်တာနက် ကမ္ဘာထဲ တွန်းပို့နိုင်တာပေါ့။ နှစ် ဆယ့်တစ်ရာစု လူသားပီပီသသ ဖြစ်ချင်ရင် အင်တာနက်ကိုသုံးမှ ဖြစ်လိမ့်မယ်။ ဒါကြောင့် လူဖြစ်ဖို့ အင်တာနက် သုံးကြစို့လို့တောင် ဆောင်ပုဒ်ထုတ်လိုက်ချင်ပါတယ်။