အရောင်အသွေးစုံလှတဲ့ အသီးအနှံတွေကိုမြင်ရင် ဆရာဝန်တယောက်မျက်စိနဲ့ဆို ဒါဟာ ဗီတာမင်တွေလို့ဘဲ မြင်တတ်ပါတယ်။ ဗီတာမင်တွေဆိုတာ အသီးအနှံတွေကရတာလို့ ယေဘူယျပြောနိုင်တာကိုး။ အမှန်ကတော့ ဒီလိုပြောတာ အတိအကျတော့ မမှန်ပါ။ အသားငါးတွေကလဲ ရတာတွေရှိတယ်ခင်ဗျ။ ကကြီးကနေ အ၊ (အေ-တူ-ဇက်) ဒါမှမဟုတ် (အေ-တူ-ဇိ) ဗီတာမင်တွေထဲက (အီး) အကြောင်းလေး နည်းနည်းပါးပါး ဆွေးနွေး (ရှယ်)ရအောင်လား။
ဗီတာမင် (အီး)ဆိုတာ ဗမာစကားနဲ့ဆို ကြားလို့ သိပ်ကောင်းတာမဟုတ်ပေမဲ့ သူက ရှစ်မျိုးသောဓါတ်တွေကို စုစည်း ခေါ်တာမို့ ခေသူ မဟုတ်ပါ။ ဗီတာမင်တွေကို အဆီမှာပျော်ဝင်တာနဲ့ ရေမှာပျော်ဝင်တာဆိုပြီး နှစ်မျိုးခွဲရာမှာ သူက အဆီမှာ ပျော်သတဲ့။ (အေ)နဲ့ (ဒီ)လိုပါဘဲ။ ဒါ့ကြောင့် ဆီထုတ်လို့ရတဲ့ အစားအစာတွေမှာ ပါတယ်။ အစေ့အဆံတွေ၊ အသီးအရွက်တွမှာ ပါပါတယ်။ နေကြာစေ့၊ မြေပဲ၊ ပဲပုတ်စိ၊ အာရပ်နိုင်ငံတွေကထွက်တဲ့ (အလာမုန်း)၊ သံလွင်ဆီ၊ ဒါတင်ဘယ်ကမလဲ၊ သင်္ဘောသီး၊ မုံညင်းစိမ်း၊ မုံညင်းဖြူ၊ ခရမ်းချဉ်သီးတို့မှာလဲပါတယ်။ (ဘရူကိုလီ) ခေါ် မုံလာပွင့်စိမ်း၊ (ပေါ့ပိုင်-သည်-ဆေးလ်လား)ကာတွန်းထဲက (စပင်းနတ်ရ်ျ)ခေါ်တဲ့ ဟင်းနုနနွယ်ရွက်တွေမှာ ပါတယ်။
ရုပ်ရှင်-တီဗွီ ကြည့်ရင် နေကြာစေ့လှော်စားတာက အမှိုက်ရှုတ်ပြီး နုတ်ခမ်းနီ ပျက်တတ်ပေမဲ့ ဗီတာမင်(အီး)ပါလို့ ကောင်းပါတယ်။ (ကျွန်တော်က နေကြာစေ့ရောင်းသူ မဟုတ်ပါ။)
အမှန်တော့ ဗီတာမင်(အီး)နည်းတဲ့ရောဂါဆိုတာ အရှားသားပါ။ အဆီကိုစုပ်ယူနိုင်စွမ်းမရှိတဲ့အခြေအနေ၊ မွေးတုံးက ကိုယ်အလေးချိန် မပြည့်ရင်၊ အူမှာရောဂါတခုခုရှိရင် ဆိုတာလောက်သာဖြစ်နိုင်ပါတယ်။
ဗီတာမင်မှန်သမျှ မရှိမဖြစ်လိုပေမဲ့ နည်းနည်းဆိုရတယ်။ လူစားတဲ့အစာတွေမှာပါတာမို့ အဆန်းကြီးမဟုတ်ပါ။ အခုရေးတာတွေထက်ပိုပြီး ဆေးရောင်းတဲ့ကုမ္ပဏီတွေက ကြော်ညာတာတိုင်း သွားတော့မယုံလေနဲ့။ အဲ့ တန်ဆေး၊ လွန်ဘေး ဆိုသလို ဗီတာမင်(အီး)များရင်လဲ မကောင်းပြန်ဘူး။ ဆေးပညာအရပြောရရင် တနေ့ကို ၁၀၀၀ မီလီဂရမ်ထက် မပိုသင့်ဘူး။ အသက်ငယ်ရင်ငယ်သလို နည်းနည်းဘဲလိုတာပါ။
ဗီတာမင်(အီး)နဲ့ပတ်သက်လို့ သိပ်မသေချာသေးတာတွေ အတော်ရှိပါတယ်။ နှလုံးသွေးကြောကျဉ်းရောဂါကို ကာကွယ်နိုင်တယ်၊ ကင်ဆာ (အစာအိမ်ကင်ဆာ၊ အမျိုးသမီးရင်သားကင်ဆာ၊ အမျိုးသမီးအူမကြီးကင်ဆာ၊ ယောက်ျားဆီးကြိတ်ကင်ဆာ၊ ဆီးအိမ်ကင်ဆာ၊) စတာတွေကိုကောင်းစေတယ်ဆိုတာက သုတေသန အဆင့်မှာသာ ရှိပါသေးတယ်။ နောက်ပြီး မျက်စိအတွင်းတိမ်အတွက် အကျိုးများစေတယ်လို့ဆိုပါတယ်။
သေချာတာကတော့ နေရာင်ထဲမှာပါတဲ့ အန္ကရာယ်ပေးတတ်တဲ့ ခရမ်းလွန်ရောင်ခြည်(ယူဗွီ-လိုက်)ကို ကာကွယ်ရာမှာ သူက ကောင်းပါတယ်။ ဒါ့ကြောင့် သူ့ကို ကောင်းခြင်းငါးဖြာထဲက အသားအရေ၏ ကောင်းခြင်းကို လိုချင်သူ အမျိုးသမီးများက သဘောကျကြတယ် မဟုတ်ပါလား။
အမျိုးသမီးတွေအတွက် ကောင်းမှာတွေ ရှိပါသေးတယ်။ ၀က်ခြံ၊ ရင်သားကင်ဆာ၊ ရင်သားအကြိတ်၊ သွေးဆုံးလက္ခဏာတွေ၊ ကိုယ်ဝန်ရှိချိန်မှာသွေးတိုးတာ၊ မွေးလမ်းကြောင်းရောင်တာတွေမှာလဲ ကောင်းစေပါသေးသတဲ့။
ဗီတာမင်(အီး)ရော (အေ)ရောဟာ အသားအရေကို ကောင်းစေပါတယ်။ နှစ်မျိုးလုံးက အဆီမှာ ပျော်ဝင်တာမျိုးတွေမို့ ဆီရှားတဲ့အရပ်၊ ဆီမစားတတ်တဲ့ အကျင့်ရှိတဲ့အရပ်ကလူတွေအတွက် သတိထားသင့်တယ်။ ဆီ-အဆီကို ရှောင်တိုင်း မကောင်းပါ။ မြေပဲ၊ နှမ်း၊ နေကြာ၊ ပန်းနှမ်း၊ (ကြက်ဆူဆီ မပါ) ပေါလှတဲ့အရပ်က အညာသူ၊ အညာသားတွေဟာ ညိုချောတွေဖြစ်ကြတာ မဆန်းပါ။
ညိုချောဆိုတာ အသားရောင် ညိုပေမဲ့ ထိတွေ့တဲ့အခါ ချောမွေ့တာကို ဆိုတာပါ။ ဟုတ်ပါတယ်နော့်။
0 comments:
Post a Comment
(အတ္တာဟိ အတ္တနော နာထော) မိမိသည်သာလျှင် မိမိ၏ အားထားရာဖြစ်သည်။