အရှေ့တောင်အာရှနိုင်ငံသစ် အရှေ့ တီမောသည် ၎င်းဒေသတွင်းအဖွဲ့အစည်းဖြစ်သည့် အရှေ့တောင်အာရှနိုင်ငံများ အသင်း (အာဆီယံ) အဖွဲ့ကြီးသို့ဝင်ခွင့်ပြုရန် တရားဝင်လျှောက်ထားလိုက်ပြီဖြစ်သည်။
အဖွဲ့ဝင် (၁၀)နိုင်ငံပါအာဆီယံ၏ဥက္ကဋ္ဌအဖြစ် လက်ရှိတာဝန်ယူထားသည့်အင်ဒိုနီးရှားနိုင်ငံသို့ သွားရောက်သည့်ခရီးစဉ်တစ်ခုအတွင်း အရှေ့တီမောနိုင်ငံခြားရေးဝန်ကြီး ဇာကာရီယပ်ဒါကောစ့်တာက လျှောက်လွှာကို လက်မှတ်ရေးထိုး တင်သွင်းခဲ့ခြင်းဖြစ်သည်။အရှေ့တီမောသည် အာဆီယံအဖွဲ့ဝင်ဖြစ်ရန် တတ်နိုင်သမျှ အမြန်ဆုံးလိုလားလျက်ရှိသည်။ သို့ရာတွင် အဖွဲ့ဝင်များ စီးပွားရေးကျ
ဆင်းမှုနှင့် ရင်ဆိုင်နေရသည့် အာဆီယံက နောက်ထပ်ဆင်းရဲသည့် အဖွဲ့ဝင်နိုင်ငံတိုးလာမည်ကို လက်ခံရန်မလွယ်သေးကြောင်း ဝေဖန်မှုများရှိသည်။
အာဆီယံအဖွဲ့သို့ အရှေ့တီမော ၀င်ရောက်ခွင့်ရမည်ဆိုသည်မှာ သံသယဖြစ်စရာမရှိပါ။ ဘယ်အချိန် ၀င်ခွင့်ရမည် ကိုသာမေးစရာရှိ သည်။ အရှေ့တီမော၏ကိုလိုနီဟောင်း အင်ဒိုနီးရှားအပါအ၀င်နိုင်ငံအချို့က အရှေ့တီမောအသင်းဝင်ဖြစ်ခွင့်ရရေးထောက်ခံကြသည်။
အရှေ့တီမောသည် ပထ၀ီဝင်အနေ အထားအရရော၊ နိုင်ငံရေးနှင့် စီးပွားရေးအရပါ အရှေ့တောင်အာရှ၏ အနာဂတ်နှင့် ဆက်စပ်နေ ကြောင်း၊ ထို့ကြောင့်၎င်း၏ အသင်းဝင်အဖြစ် လျှောက်ထားခြင်းကို မဆိုင်းမငံ့ လက်ခံသင့်ကြောင်းအင်ဒိုနီးရှားနိုင်ငံခြားရေးဝန်ကြီးက
လျှောက်လွှာကိုလက်ခံရင်း ပြောသည်။
သို့ရာတွင် အဖွဲ့အနေဖြင့် အာဆီယံအဖွဲ့ဝင်ဖြစ်ပြီးသား မြန်မာ၊ ကမ္ဘောဒီးယားနှင့် လာအိုနိုင်ငံတို့ ၂၀၁၅ ခုနှစ် လွတ်လပ်သော ကုန်သွယ်မှုဇုန်အတွက် ပြင်ဆင်နေရာတွင် ကူညီပေးရန်ကို ပိုပြီး အာရုံထားသင့်သည်ဟု အခြားသော အာဆီယံအဖွဲ့ဝင် နိုင်ငံများက ယုံကြည်ကြသည်။
0 comments:
Post a Comment
(အတ္တာဟိ အတ္တနော နာထော) မိမိသည်သာလျှင် မိမိ၏ အားထားရာဖြစ်သည်။